நட்சத்திர ஓட்டலாக மாறவுள்ள வங்கதேச கப்பல்: ஆந்திர மாநில அரசு பேச்சுவார்த்தை

புயலால் கரை ஒதுங்கிய வங்கதேசத்து கப்பல், நட்சத்திர ஓட்டலாக மாற உள்ளது. இதற்காக வங்கதேச வெளியுறவுத் துறைஅதிகாரிகளுடன் ஆந்திர அரசு பேச்சுவார்த்தை நடத்தி வருகிறது.

சமீபத்தில் நிவர் புயலால் வங்கதேச கப்பல் ஒன்று திசைமாறி ஆந்திர மாநிலம் விசாகப்பட்டினத்தில் கரை ஒதுங்கியது. மிகப்பெரிய கப்பலை அப்பகுதி மக்கள் மிக அருகில் பார்க்க வாய்ப்பு கிடைத்தது. இந்த கப்பலை பார்க்கவே தற்போது அதிகஅளவில் பொதுமக்கள் கடற்கரைக்கு வருகின்றனர். பலர் இந்தகப்பலுடன் செல்ஃபி எடுத்துக் கொள்கின்றனர். ஆனால், மீண்டும் இக்கப்பலை கடலுக்குள் செலுத்தபல முயற்சிகள் மேற்கொள்ளப்பட்டன. ஆனால், கப்பலை அசைக்க கூட முடியவில்லை. ஆதலால், கப்பலை மீட்கும் முயற்சியைவங்கதேச அரசு கைவிட்டுவிட்டது.

source https://www.hindutamil.in/news/india/613990-ship-turns-into-star-hotel.html?frm=rss_more_article