அமெரிக்க ஓபன் டென்னிஸ் | சிமோனா ஹாலப்பை வீழ்த்தினார் தரியா ஸ்னிகுர் - ஆடவர் பிரிவில் சிட்சிபாஸ் அதிர்ச்சி தோல்வி

நியூயார்க்: அமெரிக்க ஓபன் டென்னிஸ் தொடரின் முதல் சுற்றில் உக்ரைனைச் சேர்ந்த தரியா ஸ்னிகுர், முன்னாள் நம்பர் ஒன் வீராங்கனையான ருமேனியாவின் சிமோனா ஹாலப்பை தோற்கடித்தார். அதேவேளையில் ஆடவர் பிரிவில் போட்டித் தரவரிசையில் 4-வது இடத்தில் இருந்த கிரீஸ் நாட்டின் சிட்சிபாஸ் அதிர்ச்சி தோல்வியடைந்தார்.

ஆண்டின் கடைசி கிராண்ட் ஸ்லாம் தொடரான அமெரிக்க ஓபன் டென்னிஸ் நேற்று முன்தினம் இரவு நியூயார்க்கில் தொடங்கியது. இதில் ஆடவர் ஒற்றையர் பிரிவு முதல் சுற்றில் போட்டித் தரவரிசையில் 4-வது இடத்தில் உள்ள கிரீஸின் ஸ்டெபனோஸ் சிட்சிபாஸ், தகுதி நிலை வீரரான கொலம்பியாவின் டேனியல் ஹலனை எதிர்த்து விளையாடினார். 2 மணி நேரம் 48 நிமிடங்கள் நடைபெற்ற இந்த ஆட்டத்தில் டேனியல் ஹலன் 6-0, 6-1, 3-6, 7-5 என்ற செட் கணக்கில் சிட்சிபாஸை வீழ்த்தி 2-வது சுற்றுக்கு முன்னேறினார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்