விளையாட்டாய் சில கதைகள்: பொறுமையை சோதித்த டென்னிஸ் போட்டி

டென்னிஸ் போட்டிகள் பொதுவாக 3 மணிநேரம் வரை நடக்கும். ஆடவர்கள் இடையிலான போட்டி சில சமயம் 4 மணிநேரம் வரை இழுக்கும். ஆனால் விம்பிள்டனில் கடந்த 2010-ம் ஆண்டு நடந்த டென்னிஸ் போட்டி, இந்த நேரக் கணக்கையெல்லாம் கடந்து சாதனை படைத்திருக்கிறது. அமெரிக்காவின் ஜான் இஸ்னர், பிரான்ஸ் நாட்டின் நிகோலஸ் மகுத் இடையே நடந்த இந்த டென்னிஸ் போட்டி, 11 மணிநேரம் 5 நிமிடங்களுக்கு நீடித்து ரசிகர்களின் பொறுமையைச் சோதித்துள்ளது.

2010-ம் ஆண்டு விம்பிள்டன் டென்னிஸ் போட்டியில் ஜூன் 24-ம் தேதி இந்த நீண்ட டென்னிஸ் யுத்தம் தொடங்கியது. முதல் நாளில் குறிப்பிட்ட நேரத்தில் போட்டி முடியாததால் 2-வது நாளிலும், அன்றும் முடியாததால் 3-வது நாளிலும் போட்டி தொடர்ந்தது. இறுதியில் 6-4, 3-6, 6-7(7), 7-6(3), 70-68 என்ற புள்ளிக்கணக்கில் ஜான் இஸ்னர் வெற்றி பெற்றார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்