ஆஸி.க்கு எதிரான 2-வது டி20: லிவிங்ஸ்டன் அதிரடியில் இங்கிலாந்து பதிலடி
ஞாயிறு, 15 செப்டம்பர், 2024
கார்டிப்: ஆஸ்திரேலியாவுக்கு எதிரான 2-வது டி 20 கிரிக்கெட் போட்டியில் லியாம் லிவிங்ஸ்டனின் அதிரடி ஆட்டத்தால் இங்கிலாந்து அணி 3 விக்கெட்கள் வித்தியாசத்தில் வெற்றி பெற்றது.
கார்டிப் நகரில் நேற்று முன்தினம் இரவு நடைபெற்ற இந்தஆட்டத்தில் முதலில் பேட் செய்த ஆஸ்திரேலிய அணி 6 விக்கெட்கள் இழப்புக்கு 193 ரன்கள் குவித்தது. ஜேக் ஃபிரேசர் மெக்கர்க் 31 பந்துகளில், 2 சிக்ஸர்கள், 4 பவுண்டரிகளுடன் 50 ரன்களும் ஜோஷ் இங்லிஸ் 26 பந்துகளில், ஒரு சிக்ஸர், 5 பவுண்டரிகளுடன் 42 ரன்களும் விளாசினர். கேப்டன் டிராவிஸ் ஹெட் 31, மேத்யூ ஷார்ட் 28, ஆரோன் ஹார்டி 20 ரன்கள் சேர்த்தனர். இங்கிலாந்து அணி தரப்பில் பிரைடன் கார்ஸ், லியாம் லிவிங்ஸ்டன் ஆகியோர் தலா 2 விக்கெட்கள் கைப்பற்றினர்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
