டேவிஸ் கோப்பை டென்னிஸ் தொடர்: 47 வருடங்களுக்குப் பிறகு பட்டம் வென்றது இத்தாலி
செவ்வாய், 28 நவம்பர், 2023
மலாகா: டேவிஸ் கோப்பை டென்னிஸ் தொடரில் 47 வருடங்களுக்குப் பிறகு சாம்பியன் பட்டம் வென்று சாதனை படைத்துள்ளது இத்தாலி அணி.
டேவிஸ் கோப்பை டென்னிஸ் தொடரின் இறுதிப் போட்டி ஸ்பெயினில் உள்ள மலாகா நகரில் நடைபெற்றது. பட்டம் வெல்வதற்கான இந்த ஆட்டத்தில் இத்தாலி - ஆஸ்திரேலியா அணிகள் பலப்பரீட்சை நடத்தின. முதலில் நடைபெற்ற ஒற்றையர் பிரிவு ஆட்டத்தில் இத்தாலியின் மேட்டியோ அர்னால்டி, ஆஸ்திரேலியாவின் அலெக்ஸி போபிரினை எதிர்த்து விளையாடினார். இதில் மேட்டியோ அர்னால்டி 7-5, 2-6, 6-4 என்ற செட் கணக்கில் வெற்றி பெற்றார். இதனால் இத்தாலி 1-0 என முன்னிலை பெற்றது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
