ஆடவர் ஹாக்கி உலகக் கோப்பை ‘டி’ பிரிவில் இடம் பெற்றது இந்திய அணி

புவனேஷ்வர்: அடுத்த ஆண்டு நடைபெற உள்ள ஆடவர் ஹாக்கி உலகக் கோப்பையில் இந்திய அணி டி பிரிவில் இடம் பெற்றுள்ளது.

16 அணிகள் கலந்து கொள்ளும் ஆடவருக்கான உலகக் கோப்பை ஹாக்கி தொடர் அடுத்த ஆண்டு ஜனவரி மாதம் 13-ம் தேதி முதல் 29-ம் தேதி வரை ஒடிசா மாநிலம் புவனேஷ்வரில் நடைபெற உள்ளது. இந்தத் தொடரில் ஒவ்வொரு நாடும் எந்த பிரிவில் இடம் பெறும் என்பதற்கான குலுக்கல் முறை தேர்வு நேற்று புவனேஷ்வரில் நடைபெற்றது. இதில் இந்தியா ‘டி’ பிரிவில் இடம் பெற்றுள்ளது. இதே பிரிவில் இங்கிலாந்து, வேல்ஸ், ஸ்பெயின் அணிகளும் இடம் பெற்றுள்ளன.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்