அமெரிக்க ஓபன் கிராண்ட்ஸ்லாம் டென்னிஸ்: 4-வது சுற்றுக்கு நடால் முன்னேற்றம்
திங்கள், 5 செப்டம்பர், 2022
அமெரிக்க ஓபன் கிராண்ட்ஸ்லாம் டென்னிஸ் போட்டியின் ஆடவர் ஒற்றையர் பிரிவு 4-வது சுற்றுக்கு ஸ்பெயின் வீரர் ரஃபேல் நடால் முன்னேறியுள்ளார்.
கிராண்ட்ஸ்லாம் போட்டிகளில் ஒன்றான அமெரிக்க ஓபன் டென்னிஸ் போட்டி நியூயார்க் நகரில் நடைபெற்று வருகிறது.நேற்று முன்தினம் நடைபெற்ற ஆடவர் ஒற்றையர் 3-வது சுற்று ஆட்டத்தில் 22 கிராண்ட்ஸ்லாம் பட்டம் வென்ற உலக சாதனையாளரும், உலகின் இரண்டாம் நிலை வீரருமான ரஃபேல் நடால், பிரான்ஸின் ரிச்சர்ட் கேஸ்குயிட்டை எதிர்த்து விளையாடினார். இதில் நடால் 6-0, 6-1, 7-5 என்ற நேர் செட் கணக்கில் எளிதில் வென்று 4-வது சுற்றுக்கு முன்னேறினார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
