செஸ் ஒலிம்பியாட் | ஓபன் பிரிவில் இந்திய அணிகள் இன்று நேரடி மோதல்

சென்னை: செஸ் ஒலிம்பியாட்டில் ஒருநாள் ஓய்வுக்குப் பின்னர் 7-வது சுற்று ஆட்டங்கள் இன்று நடைபெறுகிறது. இதில் ஓபன் பிரிவில் இன்று நடைபெறும் ஆட்டத்தில் இந்தியா ஏ – இந்தியா சி அணிகள் நேருக்கு நேர் மோதுகின்றன.

இந்த ஆட்டம் எதிர்பார்ப்பை ஏற்படுத்தியுள்ளது. ஹரி கிருஷ்ணா பென்டலா (2720 ரேட்டிங் புள்ளிகள்), விதித் குஜராத்தி (2,714), அர்ஜுன் எரிகைசி (2689), எஸ்.எல்.நாராயணன் (2659), சசிகிரண் (2638) ஆகியோரை உள்ளடக்கிய இந்தியா ஏ அணி 10 புள்ளிகளுடன் 6-வது இடம் வகிக்கிறது. இந்த அணி ஜிம்பாப்வேவை 4-0 என்ற கணக்கிலும் மால்டோவாவை 3.5-0.5 என்ற கணக்கிலும், கிரீஸை 3-1 என்ற கணக்கிலும் ருமேனியாவை 2.5-1.5 என்ற கணக்கிலும் வீழ்த்தியிருந்தது. பிரான்ஸ், உஸ்பெகிஸ்தான் அணிகளுக்கு எதிரான ஆட்டத்தை தலா 2-2 என்ற கணக்கில் டிரா செய்திருந்தது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்