சாதிக்கும் கர்ப்பிணிகளின் வரிசையில் ஹரிகா துரோணவல்லி

செஸ் ஒலிம்பியாட் போட்டியில் மகளிர் பிரிவில் இந்திய ஏ அணிக்காக விளையாடி வரும் நிறைமாத கர்ப்பிணியான ஹரிகா துரோணவல்லி அனைவரது கவனத்தையும் ஈர்த்துள்ளார். இன்னும் ஒரு சில வாரங்களில் குழந்தை பிறப்பை எதிர்நோக்கியுள்ள நிலையிலும் 31 வயதான ஹரிகா, சொந்த மண்ணில் நடைபெறும் செஸ் போட்டியில் பங்கேற்றுள்ளதன் மூலம் போட்டியின் மீது அவருக்கு உள்ள பற்றையும், ஆர்வத்தையும் அறிய முடியும்.

கிராண்ட் மாஸ்டரான ஹரிகாவுக்கு செஸ் ஒலிம்பியாட்டின் முதல் 2 சுற்றுகளில் ஓய்வு கொடுக்கப்பட்டிருந்தது. அடுத்து களமிறங்கிய 4 சுற்றுகளையும் ஹரிகா டிரா செய்திருந்தார். போட்டியின் போது தீவிரமாக செயல்படும் ஹரிகா, ஆட்டம் முடிவடைந்ததும் சக அணி வீராங்கனைகளுடன் ஜாலியாக நேரத்தை செலவிடக்கூடியவர். கர்ப்பிணியாக விளையாடி வருவதன்மூலம் விளையாட்டு உலகில், கர்ப்ப காலங்களில் பங்கேற்று ஜொலித்த நட்சத்திரங்களின் வரிசையில் இணைந்துள்ளார் ஹரிகா.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்