செஸ் ஒலிம்பியாட் | அஜர்பைஜானுடன் டிரா செய்தது இந்திய பி அணி

சென்னை: 44-வது சர்வதேச செஸ் ஒலிம்பியாட் போட்டி சென்னை அடுத்த மாமல்லபுரத்தில் நடைபெற்று வருகிறது. இதன் 9-வது சுற்றான நேற்று ஓபன் பிரிவில் நடைபெற்ற ஆட்டத்தில் இந்தியா ஏ – பிரேசில் அணியை எதிர்த்து விளையாடியது.

வெள்ளை நிற காய்களுடன் விளையாடிய விதித் குஜராத்தி, 48-வது நகர்த்தலின் போது அலெக்ஸாண்டருக்கு எதிரான ஆட்டத்தை டிரா செய்தார். அர்ஜுன் எரிகைசி, 63-வது காய் நகர்த்தலின் போது மெஹிதாரியன் கிரிகோரையும், சசிகிரண் 49-வது காய் நகர்த்தலின் போது டைமண்ட் ஆந்த்ரேவையும் வீழ்த்தினர். ஹரிகிருஷ்ணா பென்டலா, சுபி லூயிஸ் பாலோவுக்கு எதிரான ஆட்டத்தை டிரா செய்தார். முடிவில் இந்திய அணி 3-1 என்ற கணக்கில் பிரேசிலை தோற்கடித்தது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்