தந்தைக்கு சிறுநீரக தானம் செய்ய அனுமதிக்க கோரி சிறை கைதி மனு: மருத்துவப் பரிசோதனைக்கு உச்ச நீதிமன்றம் உத்தரவு

தந்தைக்கு சிறுநீரக தானம் செய்ய அனுமதி கோரி சிறைக் கைதி ஒருவர் தாக்கல் செய்த மனுவை விசாரித்த உச்ச நீதிமன்றம், அவரை மருத்துவமனைக்கு அழைத்துச் சென்று தேவையான பரிசோதனைகளை மேற்கொள்ள உத்தரவிட்டுள்ளது.

மத்திய பிரதேசத்தில் போதைப் பொருள் தடுப்புச் சட்டத்தின் கீழ் சிறையில் அடைக்கப்பட்டுள்ள கைதி ஒருவர், கடந்த ஜூன் மாதம் மாநில உயர் நீதிமன்றத்தில் ஒரு மனுவை தாக்கல் செய்தார். அதில், “என் தந்தையின் சிறுநீரகம் செயலிழந்து விட்ட காரணத்தால், அவருக்கு எனது சிறுநீரகத்தை வழங்க விரும்புகிறேன். இதற்கான மருத்துவ நடைமுறைகள் நிறைவடையும் வரை எனக்கு இடைக்கால ஜாமீன் வழங்க வேண்டும்" எனக் கோரியிருந்தார். இந்த மனுவை உயர் நீதிமன்றம், நிராகரித்தது.

source https://www.hindutamil.in/news/india/727621-drugs-case-accused-wishing-to-donate-kidney-gets-relief-from-supreme-court.html?frm=rss_more_article