முதல்வர் நிதிஷ்குமாருடனான நெருக்கத்தால் பாஜகவால் ஒதுக்கி வைக்கப்படும் சுசில்குமார் மோடி?

பிஹாரில் நடைபெற்ற சட்டப் பேரவை தேர்தலில் வென்ற தேசிய ஜனநாயகக் கூட்டணியின் (என்டிஏ) முதல்வராக நிதிஷ்குமார் நேற்று முன்தினம் பதவி ஏற்றார். மத்தியில் இக்கூட்டணிக்கு தலைமை வகித்த பாஜக இந்தமுறை பிஹாரில் புதிய அனுகுமுறையை உருவாக்கி உள்ளது. இதன்படி, பிஹாரின் முன்னாள் துணைமுதல்வரான சுசில்குமார் மோடி உள்ளிட்ட பாஜகவின் மூத்த தலைவர்கள் பலருக்கும் புதிய ஆட்சியில் எந்த பதவிகளும் அளிக்கப்படவில்லை. இதன் பின்னணியில், பல்வேறு காரணங்கள் கூறப்படுகின்றன.

குறிப்பாக சுசில்குமார் மோடி கடந்த என்டிஏ ஆட்சிகளில் துணை முதல்வராக இருந்தபோது அவர், முதல்வர் நிதிஷுடன் நெருக்கமாக இருந்தார். இதனால் தன் கட்சிதலைமை கூறுவதையும் பொருட்படுத்தாமல், முதல்வர் நிதிஷின் கருத்துக்களை ஆமோதித்ததாகக் கூறப்படுகிறது. இதற்கு இருவருக்குள் வளர்ந்திருந்த நெருக்கம் காரணமாக இருந்துள்ளது. இதனால், சுசில்குமாருக்கு இந்தமுறை துணை முதல்வர் பதவி கிடைக்கவில்லை.

source https://www.hindutamil.in/news/india/602664-susil-kumar-modi.html?frm=rss_more_article