விளையாட்டாய் சில கதைகள்: வீரர்களுக்கு பயிற்சியளிக்க உருவான விளையாட்டு

உலகின் பழமையான விளையாட்டுகளில் ஒன்று ஜிம்னாஸ்டிக். கிறிஸ்து பிறப்பதற்கு பலநூறு ஆண்டுகளுக்கு முன்பே, உடலையும், மனதையும் ஒருங்கிணைப்பதற்காக கிரேக்க நாட்டினர் ஜிம்னாஸ்டிக் விளையாட்டை கண்டுபிடித்ததாக கூறப்படுகிறது. இருப்பினும் இப்போது ஒலிம்பிக் போட்டிகளில் நாம் காணும் நவீன ஜிம்னாஸ்டிக் போட்டியை உருவாக்கியவர்கள் ஜெர்மனியைச் சேர்ந்த ஜான் கிறிஸ்டஃப் பிரட்ரிக் மற்றும் பிரட்ரிக் லட்விக் ஜான்.

பண்டைய கால விளையாட்டான ஜிம்னாஸ்டிக்கைப் பற்றி ஆய்வு செய்துவந்த ஜான் கிறிஸ்டஃப் பிரட்ரிக், அதில் மேலும் சில விஷயங்களைச் சேர்த்து 1793-ம் ஆண்டில் ஒரு புத்தகத்தை வெளியிட்டார். ஜெர்மன் மொழியில் அவர் எழுதிய அந்தப் புத்தகம், பின்னர் “Gymnastics for Youth: or a Practical Guide to Healthful and Amusing Exercises for the use of Schools” என்ற பெயரில் ஆங்கிலத்தில் மொழிபெயர்க்கப்பட்டது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்